بدأت بحاجة كلنا شفناها

تشتري حامل موبايل شكله ممتاز، وبعد أسبوع في شمس أغسطس اللزقة تسيح ويقع في أول مطب. تجيب شاحن عربية مكتوب عليه “سريع”، يسخن ويفصل في نص المشوار. تطلب كشاف للموتوسيكل، أول مطرة يدخله ميه.

المشكلة مش إن مفيش منتجات. المشكلة إن محدش بيجرب قبل ما يبيع. الصور حلوة، والوصف كله “جودة عالية”، والحقيقة بتبان بعد ما فلوسك تكون راحت.

فقلنا: طب ما نجرب إحنا الأول. ناخد عينة من كل منتج، نحطها في حر وتراب ومطبات زي اللي بتقابلها كل يوم، ونكتب اللي حصل بصراحة، حتى نقطة الضعف. اللي يعدّي يتعرض، واللي ما يعدّيش ما يتعرضش.